Ralhrang in sizung ih sibawi le mina an dawi tlan, CDM thiamsang nunliam

Kyainseikgyi (ကြာအင်းဆိပ်ကြီး) Senpi sizung, ralhrang in an luah ih mina le sizung hnatuan pawl an dawitlan

No description available.

Karen ramkulh, Kyainseikgyi ကြာအင်းဆိပ်ကြီး senpi sizung cu January 5 zan ah ralhrang in bukhuarnak ah hman dingin an luhhnawh ih mina le sizung hnatuan pawl an tlansuak, tiah tualsungmi pawl in an sim.

“A zanzan in sizung ih mina pawl, sibawi le hnatuantu pawl ralhrang in an dawi tlan. Mina pawl an tar-ta-hak zet, sizung dang pan ding a um lo ruangah an tap celcel,” tiah tualsungmi pakhat cun a sim.

Kyainseikgyi (ကြာအင်းဆိပ်ကြီး) khawpi ih SAC ralhrang sakhan ခလရ 32, ခလရ 283 le ခလရ 284 cu dothlengtu ralkap tangrual in 2023, January 3 zan ihsin January 5 tiang an kap ih khatlam khatlam thi le hlo an tam zet.

Tangrual lam ihsin PDF ralkap 3 in nun an liam, tiah an sim nan, nemhngeh a theih hrih lo vekin ralhrang lam thihlo zat khal theih a si hrih lo.

No description available.

Asinan, netabik thuthang ahcun hi kahawknak ah CDM pakhat a nun a liam, tiah Tachileik News Agency cun a tarlang.

Nunnak liamtu hi Ministry of Natural Resources and Environment ihsin CDM tuahtu Assistant Geologist U Than Oo a si, tiah ကြာအင်းဆိပ်ကြီး senpi uknak in an nemhnget.

Kum 44 mi U Than Oo hi mipi ralkap ah ttang in SAC ralhrang sakhan  ခလရ 284 an kahnak ah nunliamtu a si.

NUG ih Natural Resources and Environment Ministry zung ih Deputy Minister Khun Bedu (ခွန်းဘီထူး) khalin U Than Oo thih thu ah a suunzia Facebook cahmai ah a thlah.

ကြာအင်းဆိပ်ကြီး ih SAC ralhrang sakhan 3 kaptu pawl cu KNLA le PDF an si ih ralhrang in vanzam ihsin catbang loin bomb a thlak rero, tiah theih a si.

Be the first to comment

Leave a Reply

Your email address will not be published.


*