Ralhrang in rawl ei ding an neih lo ruangah mi lo ihta fangcang a thupten an ahsak

Rakhine ramkulh, မင်းပြား peng, ဖလောင်းပြင် khua ah SAC ralhrang cun loneitu pawl ih siannak tel loin October 22, zinglam nazi 7 hrawngah fangcang a thupten an ahsak, tiah tualsungmi pawl in an sim.

မင်းပြား peng thawn peng khat hrawngih hlatnakကြပ်စင် lilawn ih hmunkhuar SAC ralhrang pawl cu လောင်းပြင် khua,  ဦးအောင်ကျော်သိန်း ih lo ihta fangcang cu an ahsak ih fangcang tel in an sakhan ah an phur tlung, tiah mit ih hmutu mi pakhatin a rel.

“Fang attu hi ralhrang 8 hrawng an si ding. Lo ihta fangcang an ah laiah kiltu khal an tuahaw. Khawsungmi pawl simthei loin a thupte in an at. Atu hrih ahcun  ဦးအောင်ကျော်သိန်း ih lo ta fangcang an at. An ahmi fangcang tel cu an sakhan ah motor in an phur,” tiah mit ih hmutu cun a sim.

Atufang ahcun SAC ralhrang hin AA in October 17 ihsin SAC ralhrang pawl an kharhkhum ruangah ralhrang pawl cu rawl ei ding nei loin an um. Hmun dang ihsin lamcaw an pek thei lo ruangah an caurau ih lo sungsuak fangcang ru in in-ei an zalaw, tiah khawmi pakhat cun a sim.