Ralhrang in PDF tiin mino 9 an kai

January 8, zinglam nazi 9 hrawngah Magway ramthen, Pakkoku peng, nitlaknak ချောက်ကန် khua mino 9 cu ralhrang in PDF an si, tiin an kai ih kut an thlak rero, tiah tualsungmi pakhat in a sim.

“An kaihmi pawl mino hlir an si. Kum 20 hman an kim hrih pei maw! Ziangruangah bikah an kai ti khal theih a si lo,” tiah a sim.

An kaihmi pawl hi kum 15 ihsin kum 20 karlak an si ih mipa 8 le nunau 1 an si.

“An kaihnak sullam a um lo hrimhrim. Kannih thawn pehparawknak khal an nei lo,” tiah PDF sungtel mi pakhat in a sim.

SAC ralhrang dinpitu Telegram channel ahcun hi mino 9 hin Myaing PDF thawn an pehtlaihaw, tiah an tarlang.

Be the first to comment

Leave a Reply

Your email address will not be published.


*