Ralhrang in PDF 2 an kai ih an that

Yinmapyin ah SAC ralhrang in PDF 2 an kai ih an that.

Sagaing ramthen, Yinmapyin peng ah February 23 ah tualsung hriamhrei kai mipi ralkap 2 an kai ih an thah thu Yinmapyin thuphuangtu in February 26 ah thu an than.

Hi PDF mipi ralkap 2 cu khawsung ah an leng ih sakhan an kirsal tikah an sakhan ralhrang in an rak luhhnawh zo ih cumi ralhrang pawl in an rak kaih hnuah an that, tiah theih a si.

February 23 ah an kai ih February 24 ah an hngawng le an pum ah nam ih riatnak le an kutzung pawl khal tansak in an ruak cu meisa in an urkangmi an sar thu theih a si.

Annih pahnih hi kum 18 le kum 21 fangte lawng an si, tiah an sim.