Ralhrang in PDF 13 an that ih nunglai in 2 an kai

Magway ramthen, ဆိပ်ဖြူ peng, ကျွန်းချောင်း khaw kiangah raldo dingih feh PDF pawl cu ralhrang in an rak bawh ih PDF 13 kap that an si hleiah a nunglai in 2 an kai, tiah theih a si.

May be an image of 7 people, people standing, outdoors and tree

January 2, simlam nazi 6 hrawngah  ဆိပ်ဖြူ peng ih hrambun PDF ဘာမထီတပ်ဖွဲ့ ih hotu telin mi 24 cu ralhrang do dingin an poksuak ih ကျွန်းချောင်း khaw hnar ah ralhrang in an rak bawh ih an kap, tiah ဆိတ်ဖြူ peng ပကဖ hotu Ko David in a sim.

“Thuthang a darh ruangah ralhrang in an rak bawh ih hmunbur ah an rak kap. Lamzin fiak zetah an kap ih PDF pawl an cecang man lo. An meithal neihmi hrimhrim a hawmthawh um tuk. Meithal nei tha hai sehla tuvek lawmmam in an tuar lo ding,” tiah Ko David cun a sim.

Ralhrang ih an kahnak hmunah ဘာမထီတပ်ဖွဲ့  PDF hotu telin mipa ralkap 9 le nunau 4 an thi ih mipa ruak pawl cu ralhrang in hmunkhawm ah an urkang. Nunau ruak le nunglai ih an kaihmi mipa 2 cu  ဆိပ်ဖြူ khawpi lamah an phur,” tiah theih a si.

PDF ralkap damsun pawl khal hriamhmapi thawn hmun him lamah an tlansuak.

PDF ih neihmi pistol meithal 1 le kutser meithal 7, bike 5, cerek le pehtlaihnak thilri pawl cu ralhrang in an laksak.

January 3 ah  ဆိပ်ဖြူ ပကဖ ih hohanak in PDF nunliamtu pawl ih ruak an lakhawm ih vuinak an tuah, tiah theih a si.

Be the first to comment

Leave a Reply

Your email address will not be published.


*