Ralhrang in mawhnak nei lo, mino 6 an that

Kawlin ah SAC ralhrang in mawhnak nei lo mino 6 an that.

Open photo

Sagaing ramthen, ကောလင်း peng ah palik sakhan hmuancar khawhnar ah mithi ruak 6 sar a si ih an zaten an lu ah meithal ih kahnak hriamhma in an thi, tiah Kawlin info cun thu a than.

December 10 ah ကောလင်း khawpi palik sakhan hmuancar ah mino 6 cu sullam um loin ralhrang in an that ih an thahmi pawl hi ဝါးရုံးတုံး khaw mino 2, စိန်လည် khaw mino 2 le ကျော်ဇေယျာ khaw mino 1 an si ih pakhat cu zo a si, ti an theih hrih lo thu Kawlin Info cun a sim.

“December 9, simlam nazi 2 hrawngah ကျွန်းလှခုံ khua ih bukhuar ralhrang hnenah siah pe in rittheih sivai zuartui’ inn ah ralhrang 10 cu feh in sumpai ting 100 an dil.

Cumi laiah mino 3 cu inn hmaiah an feh ngelcel ih ralhrang in an phone check sak in palik sakhan ah an hruai. Zan nazi 9 hrawngah mino 3 cu lamzinpi ah hruai in an kap that.

Mino 3 kah thahnak hmun ahcun zu dawr ihsin tlung mino dang 3 an va ngelcel. Annih 3 khal an rak kap that ve.

An kah thahmi mino 3 cu ကိုဂတ်ဘို kum 25, ကိုတွတ်ပီ kum 29 le ကိုလုံးကွေ့ kum 29 an si. ကိုတွတ်ပီ hi an khua ah kuam zuar ih khawsa menmen a si,” tiah Kawlin Info cun a tarlang.

Ralhrang cun an mi kah thatmi pawl cu an hngawng an tansak thluh ih nunau pakhat a tel, tiah theih a si nan, nemhnget ngaingai a si hrih lo.

Be the first to comment

Leave a Reply

Your email address will not be published.


*