Tanintharyi ramthen, Dawei District, Laung Lone peng, Kadagyi khua ih kum 61 mi U Taung Win le Daw Win Aye tei’ nupa cu SAC ralhrang in June 26 ah an kut dunglet tawn in an kap that, tiah tualsungmi pawl in an sim.
SAC ralhrang 15 hrawng cu June 26, zan nazi 11 ah Kadgyi khua ah motor 2 in an lut ih inn 5 hrawng an suasam. An thilri mankhung le sumpai thenkhat an laksak.
Cu hleiah mi pahnih cu an lu, an pum, an el le an mit ah an kap ih an thi, tiah an sim.
Cu hleiah Laung Lone peng. Gaw Inn khua ih kum 50 mi U San Win khal a inn hmai rori ah hmuarkhen in an kap that ih an inn sungih sui le bike pakhat an laksak fawn.
Khuami pawl kap thattu hi SAC ralhrang kuttang ih Military Security Force (MSF), ralhrang le Kadagyi ih hmunkhuar Pyu Saw Htee pawl an si, tiah Dawei ramthen ih Democracy dothlengnak hotu cun a sim.
Dawei District, Laung Lone peng ahhin June 16 ihsin 26 tiang SAC ralhrang le Pyu Saw Htee pawl in khuami 8 an kap ih mi 6 an thi, mi 2 in hriamhma roh zet an tuar, tiah theih a si.
Leave a Reply