Ralhrang in Karen biakinn bomb thlak, pastor 2 telin mi 5 an thi

SAC ralhrang in biakinn bomb an thlak, pastor 2 telin mi 5 an thi.

May be an image of 1 person

Karen ramkulh, Hlaingbwe လှိုင်းဘွဲ့ peng, Laywa (လေးဝါး) khua ah SAC ralhrang in January 12, zan ah vanzam ihsin bomb an thlak ih nauhak 1 le pastor 2 telin mi 5 an thi, tiah Free Burma Rangers dintu US ralkap hlun David Eubank in a sim.

Kum thum hrawng nauhak le a nu, Baptist kawhhran pastor, Roman Catholic Father le khawmi 1, an zaten panga mual an liam, tiah a sim.

SAC ralhrang ih Jet Fighter pahnih cun Christian biakinn rori bat in bomb 2 an thlak, tiah mit ih hmutu tualsungmi pawl ih relmi David Eubank cun a sim sawng.

May be an image of indoor

“Biakinn si loin, tlawnginn si bang sehla tlawngta zaten an thi theh ding. Biakinn hi laktlak um nawn lo khopin a siat theh,” tiah a sim vivo.

SAC ralhrang in vanzam ihsin bomb an thlak ruangah tualsungmi hriamhma tuar an tam zet ih an khaw kiangkapah an tlan (relh) thluh, tiah theih a si.

Thahrum suah cangvaihnak zaten bansan dingin UN Security Council in Myanmar SAC ralhrang hnenah ralrinnak a pe mengmang nan, luhlul suah in vanzam in bomb an thlak sinsin.

No photo description available.

January 10 khalah CNF/A Headquarter hmunpi cu Jet Fighter in bomb an thlak ih CNA ralkap 5 in nun an liam phah. (RFA)

Be the first to comment

Leave a Reply

Your email address will not be published.


*