Ralhrang in Falam peng ih mibanglo mi 1 le thinlung kim lo mi 1 an that

SAC ralhrang in sualpalhnak nei lo, thinlung kim lo mi pahnih sullam um loin an that, tiah theih a si.

Chin ramkulh, Falam peng Valung khua ih thinlung kim lo le hnaset Pi Tial Kap kum 63 cu ralhrang in June 30 ah an kap that ih a ruak cu July 3 ah khuami pawl in an sar, tiah theih a si.

SAC ralhrang pawl cu Kalaymyo ihsin June 30 ah Falam lam pan in an so ih Valung ah an riak.

July 3 ah khuami pawl in Pi Tial Kap ih ruak an sar ih a lu ah meithal kahnak hriamhma an hmu.

Cu hleiah July 2 ahkhan Hlanzawl khua ih taksa hnuailam zeng mipa pakhat cu a kut tawntemsak in an that, tiah khuami pawl hnen ihsin theih a si.

SAC ralhrang pawl cu run lilawn kiang Vaar khua ah tui’ zan July 3 ah an riak, tiah theih a si.