Ralhrang in anmah dinpitu venglal le Pyu Saw Htee hotu an kap

Pakokku khawpi No. (6) venglal U Tin Ko le Pyu Saw Htee hotu U Swe Ti cu SAC ralhrang ih an kap ih U Swe Ti cu thi in, U Tin Ko lawngte hriamhma a ngah, tiah theih a si.

Magway ramthen, Pakokku peng, SAC ralhrang ih retmi No. (6) venglal U Tin Ko le Pyu Saw Htee hotu U Swe Ti cu SAC ralhrang in January 10, zan ah an kap ih Swe Ti cu a thi. Tin Ko lawngte hriamhma na zet baih a si ih sizung ah tuamhlawm rero a si, tiah khuami pawl in an rel.

Thilthlen dan cu No. (6) venglal U Tin Ko le Pyu Saw Htee hotu Swe Ti cu January 10 zan ah motor in an veivak ih an motor cu SAC ralhrang in an dinter. Asinan annih pahnih cun mah le mah tiah tiawter nawn in an ding duh lo. Curuangah SAC ralhrang cun theih palh in an kap.

Swe Ti cu Pakokku sizung ah a thi. Tin Ko lawngte a hriamhma a roh tuk ruangah a zanzan in Pakokku ihsin Mandalay sizung ah phurh a si. A thih zum a um zet,” tiah khuami pakhatin a rel.

An kahmi Tin Ko le Pyu Saw Htee hotu Swe Ti hi SAC ralhrang ih meithal kah dan training an peknak ah teltu an si ih ralhrang lam tang dingin mipi sawmkhawmtu an si fawn.

May be an image of 1 person and speaker

Hitiin SAC ralhrang hin anmah dinpitu an kah theu ruangah Pyu Saw Htee member ziangmawzat an suah phah, tiah theih a si.

Be the first to comment

Leave a Reply

Your email address will not be published.


*