Ralhrang in an hrem that

Rakhine ramkulh, Ponna Kyun khawpi ah SAC ralhrang cun sullam um loin khuami 8 an kai ih cumi lakah pakhat cu ralhrang ih mi an hremnak hmun ah a thi, tiah theih a si.

May be an image of 1 person and lake

Ponna Kyun khawpi ih ralhrang sakhan ta ralhrang 1 cu June 16 ah AA in an kaih ruangah cumi thungrulhnak ah tiin mawhnak nei lo khuami pawl ralhrang in an kai ciamco.

“Ponna Kyun khawpi ih ralhrang in an kaihmi khuami 8 lakah pakhat cu a thi, tiah mizan ah kan thei,” tualsungmi pakhat cun a sim.

A thitu hi kum 27 mi Ko Myo Tun a si ih anih hi June 17, zinglam nazi 9:30 hrawngah an inn ih an kaihmi a si.

Ralhrang cun an kaih ihsin tuni ni 8 tiangah zohman an inn lam thawn pehtlaihawknak an nei thei lo. Thusuh duh kan nei, tiin an kai ih an thlah nawn lo.

“Ko Myo Tun cu June 16 ah an inn ah ralhrang an feh ih thuhla malte an sut. A thaizing June 17, zinglam nazi 9:30 ah ralhrang captain le major pakhat an ra ih an ra kai. Ni 8 tiangah an thuthang theih a si lo.

Anih hi car gate ih hnatuan a si. Politics ah hnawihnihawknak zianghman a nei lo,” tiah tualsungmi pakhat cun a sim.

June 22 ah ralhrang ih an kaihmi Ko Myo Tun tel in mi 2 cu an hremnak hriamhma ruangah Sittwe sizung ah fehpi an si, tiah thuthang a suak.

Ralhrang hremnak hmunah a thuhla an va suh khalle cuvek a um lo, tiah an rak sim men.

May be an image of 1 person and lake

Ralhrang hremawknak ih thitu Ko Myo Tun ih nu hi zeng nat le lung lam tha lo a si ih a fapa thih ruangah a tuar na zet, tiah theih a si.

Be the first to comment

Leave a Reply

Your email address will not be published.


*