Magway ramthen, Gangaw peng ah SAC ralhrang pawl ih tanmi 40-MM bomb a puak ruangah kum 7 mi Mg. Pyae Sone Maung le Mg. Min Htut Zaw an thi, tiah PDF Gangaw hnen ihsin theih a si.
June 19, zan nazi 5 hrawngah Kan khua nitlaknak lam Kyaukku Taw ih tlangpar keinak hmun pakhatah SAC ralhrang in ral siimnak an neih tikah tum hrim in 40-MM bomb an tan.
Hi bomb cu a puak ih Mg. Pyae Sone Maung kum 7 le Mg. Min Htut Zaw kum 7 tei’ pahnih an thi, tiah Gangaw PDF cun thu an suah.
SAC ralhrang hin ral an thawhnak hmun tlangtluan ah siseh, khua pawl ah siseh tumtahnak nei hrim in bomb an tan hrim theu.
Hivek bomb hmuh asile mahte tham loin le a hleice in nauhak pawl in an sar asile tham lo dingah nu le pa in mai’ fate cio cah dingin le bomb le puaktheithil pawl cu PDF hnenah theihternak nei dingah forhfialnak an nei.
Leave a Reply