Tanintharyi ramthen, Myeik khawpi ah SAC ralhrang dokalh ruangah kum 30 mi nunau pakhat cu kaih a si ih thawnginn sung thuthennak cun June 14 ahkhan Section 505 (a) hmangin kum hnih thawngtla dingah daantat a si.
Kum hnih thawngtla dingih daan an tatmi nu hi Ma Zinmar Win tiin Facebook account hmangtu a si. Annih cun SAC ralhrang kuttang ih စရဖ pawl in politics thu an post mi a comment theu ruangah le politics pehparawmi ca pawl a ngan theu ruangah May 29 ahkhan Myeik khawpi ih an inn ah an va kai, tiah a innsang lamin an sim.
A innsang thawn naihniamaw zettu pakhat cun, “June 14 ahkhan thuthennak hmaiah suahpi a si ih a mawhpalhzia thukamnak an neihter hnuah kum 2 thawngtla dingin daan an tat,” tiah a rel.
Kum hnih thawngtla dingih daantatmi Ma Zinmar Win cu Myeik thawnginn sungih thuthennak hmaiah sihni Daw Cho Cho San timi cun ca post mi 11 a share ruangah mawhnak a neih thu thiamlo coternak a nei, tiah theih a si.
Section 505 (a) ih kum hnih thawngtla dingih daantatmi Ma Zinmar Win hi May 29, zan nazi 11 ah a inn ah an kaihmi a si.
June 14 ah daantat cih a si.
Leave a Reply