Ralhrang Captain pakhat, KNU ralbawi ah relaw in Karen mipi hnenah sumpai khong

SAC ralhrang Captain 1, KNU Kyaukkyi hmin in sumpai a khong, tiah KNU in theihternak nei.

SAC ralhrang Captain pakhat cu Karen National Union Kyaukyi hmin in social media account a tuah ih sumpai bawmtu a hawl, tiah KNU in December 8 ah tlangthannak an nei.

Hi ralhrang captain cun KNU luah ram, ညောင်လေးပင် District, ကျောက်ကြီး peng ah Brigade thar onnak nei in a relaw ih ramsung, ramleng ih Karen miphun pawl hnenah sumpai hawl in a bum vivo.

Amah hi KNU luah ram, KNU/KNLA-PC ih ralbawi a si thu a relaw ih hmin phunphun, hmatpungtin dangdang a hmang.

No description available.

Atufang ah raltlan pawl bombawinak kan nei rero lai, tiah Wave Account number, hmatpungtin, phone number tam zet tarlang in sumpai dilnak a nei, tiah KNU cun a thlazuk thawn an tarlang.

Anih cun depde le hrokhrawl suah in KNU ih thuphuan theunak Blue Mark Page ih thuthanmi zaten a copy theu ruangah Karen miphun tam zetin an zum ih sumpai an pe ciamco, tiah KNU cun a tarlang hrih.

Asinan, KNU in a thuhla an zoihnit tikah a phone number pawl cu Mytel Sim Card hlir a hmang ih ralhrang captain pakhat a si, tiah an theisuak.

Hi ralhrang captain cu KNU Brigade 3 luah ram sungih raldo dingin ra luttu a si ih a bulpak hmin lawngte theihfiang a si hrih lo, tiah KNU in an sim.

No description available.

KNU cun ramsung, ramleng ih Karen mipi hnenah anmai neih Blue Mark ngah Page ih thuthanmi pawl lawng zum dingah le KNU Kyaukkyi ih sumpai bomnak a hawlmi ah rak thawh nawn lo dingin theihternak an nei cih.

Be the first to comment

Leave a Reply

Your email address will not be published.


*