Ralhrang beer le zu zuarnak hmunpi SKYWAY CLUB & KTV a kang

Ralhrang ih suahmi beer le zu an zuar lawng si loin ralhrang le palik thawn tangrualtu SKYWAY CLUB & KTV dawr cu a kang vutvo.

Ralhrang ih tuahmi Myanmar Beer, zu phunphun zuar ih ralhrang pawl thawn tangrualtu Alone peng ih SKYWAY CLUB & KTV nuamtawlnak dawr cu a kang.

June 29, zan nazi 10:30 hrawngah Yangon ramthen, Alone peng, Titdaw veng, Kanna lamzin le Alone lamzin tonawknak ih SKYWAY CLUB & KTV dawr cu a kang ih nazi 11 hrawngah an mit thei fang. A kang dan cipciar hi rel a theih lo, tiah Myanmar meisa thah pawl in an sim.

Yangon ramthen, Alone peng ih SKYWAY CLUB & KTV hi SAC ralhrang hnenah siah pe in ralhrang ih tuahmi Myanmar Beer le zu pawl an zuar bik.

Cu hleiah ralhrang le palik pawl thawn naihniamaw zetin an um ih March 8, zan nazi 8:03 laiah SKYWAY CLUB & KTV cu Dark Shadow hriamhrei kai pawl in bomb puah in ralrin an rak pek dahnak KTV dawr a si.