Ralhrang bawi thi, ruakvuinak caanserh tuah an kham

Kyainseikgyi (ကြာအင်းဆိပ်ကြီး) SAC ralhrang ခလရ284 Battalion commander Lieutenant Colonel/Major Min Maung Maung Hein an kap that.

No description available.

Karen ramkulh, Kyainseikgyi peng, SAC ralhrang ခလရ 284 Battalion commander Lieutenant Colonel/Major Min Maung Maung Hein cu doawknak ah an kap that ih a suak khal SAC ralhrang Helicopter in an phur, tiah ralhrang hruangkulh ihsin theih a si.

Major Min Maung Muang Hein hi Myaungmya khawpi, veng 7nk, Taungyaung lamzin kiangah a nufa thawn an khawsa ih SAC ralhrang in rampi thuneihnak a lak hnu Karen ramkulh ah tuanvo pekmi a si.

“Anih hin nupi a nei. A pa lawngte covid laiah a thi. A nu in a dampi lai. Phungki tlawng pahnih karlakah an inn um cingin SAC ralhrang in mithi suunnak tuah an khap.

No description available.

Ruakvuinak caan khal zohman sawm awih loin anmai’ sungkhat mi malte lawngin an tuah men,” tiah an thuhla thei zettu mi pakhatin a rel.

January 4, Kyainseikgyi ih bukhuar SAC ralhrang ခလရ 32, ခလရ 284 le ခလရ 283  cu dothlengtu mipi ralkap tangrual in an kap ih Lieutenant Colonel/Major Min Maung Maung Hein telin, ralhrang captain, major 20 kiangkap an thi. A then cu an hlo ih an ruak an hawl rero hnuah an sar fang, tiah ralhrang hruangkulh cun an sim.

Ralhrang thi pawl ih ruak cu motor in an nawl rero, tiah Kyainseikgyi khawmi pawl khalin an rel ve.

Hi doawknak ah dothlengtu mipi ralkap lamin ralhrang a zatel an thi, tiin an sim ih SAC ralhrang lam cun PDF le tlangpar hriamhrei kai pawl thi le hlo an tam zet, tiah an phuang thung.

 

Be the first to comment

Leave a Reply

Your email address will not be published.


*