Karen ramkulh, Myawaddy peng, Ukaritha doawknak ah SAC ralhrang LIB 556 ih ralkah thiam pakhatnak lawmman ngahtu Captain Nay Ye Htet a thi, tiah a thianrual pawl hnen ihsin theih a si.
Anih hi OTS BATA- Batch 119 ongtu a si ih SAC ralhrang ral hmaituang (Military Council Operations Command Headquarters (SAK-13) kuttang, Thanitharyi ramthen, Meik peng ih ke ralkap Battalion LIB 556 minung a si.
A suahnak khua cu Maubin a si ih Ukarittha sakhan doawknak ah a thi ih a ruak khal an la ngah hrih lo, tiah theih a si.
Captain Nay Ye Htet hin Min Aung Hlaing ih pathian biak in a bia ih NUG le PDF pawl zuamtai zettu a si.
Chow Nanda Aung @ Mae Nge timi thawn 2021, November 21 ah an neiaw ih an neihawknak thla 7 lawng a rei fang tiah a nupi a thihsan a si cu!
“A ruak lak a theih lo. Curuangah ruak tel loin vuinak an tuah. A nu le pa hi Maubin ah an um. A nupi neihnak thla 7 lawng a rei.
A nupi hi Mayangone ward 3 ah a um,” tiah a thianrual lakih pakhatin a sim.
SAC ralhrang thuphuangtu Zaw Min Tun cun Ukarittha sakhan KNDO le tangrual pawl ih an siimnak ah raldo bawm dingin ralhrang tam zet an kuat thu le an dinhmun a that sawn thu media hmaiah simnak a nei.
Leave a Reply