Ralhrang bawi in khua an siimnak ih mipi thilri man olte in a zuar

Magway ramthen, နတ်မောက် peng ih khaw thenkhat SAC ralhrang ttih ruangah khua an suahsan ih an thilri pawl cu ralhrang bawi in man olten an um lo sungah a zuarsak hai, tiah tualsungmi pawl hin an sim.

No description available.

နတ်မောက် peng, innthawng 400 umnak ဖက်တောရေ  khua cu kan dung thla 3 lai ihsin khaw mipi in an suahsan ih an khawsung ah ralhrang le Pyusawhtee pawl bu an khuar.

Ralhrang bawi cun December 12 ah khawsung thilri a zuar thok ih ke-thum nei bike phur khatah tangka tingthum le hrek a ngen vivo, tiah an sim.

“Kan khua hi SAC ralhrang in, ‘tapung khua’ tiah hmin in sak ih kan vok rawl dip, thing tlep, khengkho ihsin thok in kan neihmi thilri zaten in zuarsak.

Ke-thum nei bike ah an san theitawk an san hnuah tingthum le hrek a ngen hai. Ttum ziangzat in zuarsak zo, ti khal kan theicawk nawn lo,” tiah khawmi pakhat cun a sim.

Cu hleiah bike 30, vok 20, vok rawl dip ting 200 lenglo man khal a zuar fai thluh, tiah anih cun a sim.

No description available.

ဖက်တောရေ khua kiangah October 16 ahkhan ralhrang le tualsung hriamhrei kai pawl an kapaw ih khawsung inn 15 an nawhkangsak hnuah khawmi pawl hmun dangah an tlan thluh. Tuni tiang khua ah an tlung ngam nawn lo, tiah theih a si.

Be the first to comment

Leave a Reply

Your email address will not be published.


*