Ralhrang 8 thi, PDF 1 nunliam ih tualsungmi 2 in mual an liam

Monywa khaw luhnak SAC ralhrang Check Gate kahnak ah ralhrang 8 an thi, PDF 1 in nunliam ih tualsungmi 2 mualliam.

Sagaing ramthen, Monywa khawpi luhnak SAC ralhrang Checek Gate cu tualsung hriamhrei kai tangrual pawl in an siim thutthi ih ralhrang 8 an thi.

PDF 1 in nun a liam ih ralhrang in phungphaithlu loin meithal an kah ruangah khawsungmi 2 mual an liam, tiah Golden Eagle Force-Monywa ih tuanvoneitu cun a sim.

December 5 zinglam nazi 10 hrawngah Monywa-Mandalay lamzin, Monywa khawpi luhnak  ရေဦး fangfai zuarnak inn sawng thum ih ttankhawh SAC ralhrang cu dothlengtu ralkap pawl in an kah bor.

Ralhrang 8 an thih hleiah hriamhma baihmi khal an neih thu, Golden Eagle Firce-Monywa cun an sim.

An kahawk sung hi minute 3 lawng a rei ih PDF 1 in nun a liam ih 1 cu hriamhma tenau a ngah, tiah theih a si.

Ralhrang lam cun sursum kah in meithal an kah ruangah tualsungmi 2 an thi.

Tualsungmi 2 an thih phah ruangah an thinnom lo zet thu Golden Eagle Force-Monywa cun an sim.

Be the first to comment

Leave a Reply

Your email address will not be published.


*