Chin ramkulh, Falam le Hakha karlakah SAC ralhrang le Chin hriamhrei kai tangrual pawl doawknak ah SAC ralhrang lam hriamtuar 15 Hakha sizung ah an lut tiah The Chin Journal cun a tarlang.
Falam le Hakha hi peng 40 hrawngih hla a si ih Chin hriamhrei kai pawlkom pawl ih rak donak ruangah SAC ralhrang motor runpi cu ni 10 hnu lawngah Hakha an thleng thei fang, tiah theih a si.
July 8 ihsin SAC ralhrang le Chin hriamhrei kai pawl cu an doaw thok ih SAC ralhrang motor runpi cu July 17 sim lamah Hakha ah an lut.
Cuti Hakha khawpi an luh laiah bazar veng ah bomb a puak cih tiah The Chin Journal cun a tarlang.
“SAC ralhrang motor 8 khawpi sungah an luh laiah bomb a puak. Hriamhma ngah an um lo,” tiah khuami pakhat cun a sim.
SAC ralhrang motor runpi hi July 7 ahkhan Falam ihsin an poksuak. Falam le Hakha hi peng 40 hrawng a hla ih ni dang vek si sehla nazi malte lawngih thlen theih a si laiah tu cu ni 10 an rei.
Falam le Hakha lamzin parih SAC ralhrang pawl cu CJDC sungtel CNA, CNDF, CDF-Hakha, CDF-Thantlang, CDF-Matupi pawl in an rak bawh ih an kap.
Chin hriamhrei kai lam ihsin mi 2 in nunnak an liam ih mi 10 hrawngin hriam an tuar.
SAC ralhrang cu an tuar na zet ih ralhrang thi ruak pawl philhhlonak ah lamzin tluan ih khua Taal le Chuncung inn 35 lenglo an urkangsak.
Leave a Reply