Ralbawi Nerdah Mya in Karen hriamkai zaten ralhrang do bor dingin sawm

Karen miphun ralthuam kai zaten komkhawmaw ih SA C ralhrang hmualnei zetin dotlang dingah Kaw Thoo Lay (ကော်သူးလေ) Army hotu Ralbawi Nerdah Mya စောနယ်ဒါးမြ  cun October 22 ah sawmnak a nei.

Kaw Thu Lay Army hin khawpi siim le la dingin a tuangtim zo ih atu fangah Karen hriamhrei kai pawlkom zaten lungkhat tei’ raldo a cu, tiah anih cun a sim.

Karen ramkulh sung raltlan pawl bombawitu Karen Human Rights pawlkom KHRG ih thuphuangtu ကိုစောနန္ဒဆူး khalin, “Keimah bulpak ruahdan in ka rel asile Karen hriamhrei kai zaten lungrual hliarhlo thei sehla ka duh. Lungkhat thinkhatten SAC ralhrang kan do thei ahcun duhthusam rori a si,” tiah a sim.

Kaw Thoo Lay Army hotu စောနယ်ဒါးမြ  ih thusuahmi thawn pehparaw in KNU/KNLA lam cun thusuah an nei hrih lo, tiah RFA cun a sim.

May be an image of 1 person and standing

Kaw Thoo Lay Army hotu စောနယ်ဒါးမြ  hi 2022, January thla tiangah KNU kuttuang KNDO ih hotu a si.

2021, May 31 ah KNU luah ram sung, ဝေါလေ ah lilawn dontu Kawl 25 cu SAC ralhrang thlingthlatu tiin KNDO in an that ih himi thu ah KNDO hotu စောနယ်ဒါးမြ  cu KNU in thubuai tuahsak a si.

KNDO ralbawi စောနယ်ဒါးမြ  cu thubuai relfel dingin KNU in an kawh caan ah a feh duh l ruangah 2022, January 17 ah စောနယ်ဒါးမြ  cu a hnatuan ihsin an banter.

Cumi hnu 2022 July 16 ahစောနယ်ဒါးမြ  cun Kaw Thoo Lay Army tiin a din ih KNU/KNLA in an pom lo thu July 20 ah thu an suah cih.

May be an image of 2 people, people standing, military uniform and outdoors

Atufang ah Karen ramkulh sungah hin KNU/KNLA, DKBA, KNLA/PC tiin ralthuam kai an um.

Be the first to comment

Leave a Reply

Your email address will not be published.


*