Mandalay ramthen, Singu peng ah raldo dingih poksuak PDF pawl cu an raldo ding thuhla a putsuak ruangah mi 6 in an nunnak an hloh thu Singu Peacock King Guerrilla Army cun thu an suah.
Peacock King Guerrilla Army le a tuanpi pawl cu June 15 ah Singu peng, Nwe Zone khua lamah ‘Dalan’ thianfai dingin an poksuak ih SAC ralhrang an thuhla an rak theih ruangah rak bawh in an rak kap hai.
Hi kahawknak ah Peacock King Guerrilla Army ih an hotu Wa Gyi le a kuttang pakhat le an tuanpi lam ihsin ralkap 4 in nunnak an hloh, tiah theih a si.
Cu hleiah a thitu pawl ih phone kenmi ihsin ralhrang lam cun an umnak an zingzoi vivo, tiah Thabeikkyin Township Revolutionary Force (TR) cun an sim.
Madara Township ih Kauk Yoe Pon khua ah ralhrang 500 lenglo cu ra ih an kah thatmi PDF 6 pawl ih phone ihsin PDF pawl an ra hawl. Khaw sungah lut in inn le lo an coklet, tiah TR cun thu an suah.
Kan dung May thla sungah khan Singu le Madara Township ih PDF sakhan cu SAC ralhrang in an siim ih Eagle-PDF ih hotusang Zero Two (02) in nunnak a liam zo.
Leave a Reply