Minkin khawpi ihsin nitlak-saklam peng 9 hrawng hlatnak SAC ralhrang ih tirhfung Pyusawhtee helhlong pawl samcainak သေမသောက် khua ih Pyusawhtee sakhan cu siim a si ih ralhrang le Pyusawhtee 5 hnakih tam an thi, tiah Student Revolution Force (S.R.F) ih tuanvoneitu cun a sim.
November 1, zinglam nazi 5 hrawngah Pyusawhtee sakhan sung thuk zet tiang an luhhnawh ih Carline M-2 meithal 3 le cerek/ziandawng thenthat an laksak.
“Pyusawhtee sakhan siim dingah zanvarte kan timtuah. Annih hi zanvar (slide light) meisa an tle ih zinglam nazi 5 lawngah an sakhan kan naihniam thei fang,” tiah S.R.F ih tuanvoneitu cun a sim.
Nazi hrek lawng Pyusawhtee sakhan nuainak ah Student Revolution Force (S.R.F) ih Battalion 1 le Battalion 4 ih ralkap in an do bor. Hi sakhan ahhin SAC ralhrang 40 in an umhnawh ih သေမသောက် khawpum hi Pyusawhtee sungtel lawnglawng an si, tiah theih a si.
Kahawknak ah SRF ihsin ralkap 2 in hriamhma tenau an tuar ih hlawhtling zetin an kirsal thei thu, SRF cun thu an suah.
Sagaing ramthen tlunlam, Minkim peng ih Pyusawhtee pawl thazang khohkhahnak hmun a si ih anmah dinpi lotu khua pawl cu an nawkkang, mi an that, thilri an suasam theu hleiah ralhrang thawn tangrual in an tawrhmawh zet, tiah theih a si.
Leave a Reply