Pyusawṭhi si lo, an kap that sual

January 11 zan ah Tanintharyi peng, Yephyu peng,  Lee Saung khua ih khawlal U Soe Thein cu Pyusawhtee a si, tiin T. PDF in an thianfai.

Himi thu thawn pehparaw in tualsungmi pawl cun U Soe Thein hi Pyusawhtee a si lo, tiah an el.

“Anih hi Dalan a si lo ih Pyusawhtee khal a si lo. Kan khaw kiangkap pawl in kan theifiang tuk. Mi tlawmngai thei zet a si. Midang parah harsatnak a thlen dah hrimhrim lo,” tiah tualsungmi pakhat cun a sim.

“PDF hin thuthang an theihmi zoihnit ta loin an cangvai. Amah huatu in Pyusawhtee tiin a va hek ruangah a si ko,” tiah T. PDF naihniamtu mi pakhat in a sim.

Asinan, T.PDF lam cun U Soe Thein hi Pyusawhtee hotu rori a si ih ralhrang hnenah mi zuarthlai hmang a si, tiah an let thung.

Yephyu peng ahhin nikum khalah mawhthlukawknak suah tamtertu laithahawknak a thleng phahphah, tiah The Tanintharyi Times cun a tarlang.