Pyusawṭhi in Tamu ah nupa an kap that, an fa nausente hriamtuar

Tamu ah nupa an kap that.  An fate nausente khal hriamhma roh zet a tuar.

Sagaing ramthen, Tamu khawpi, နန်းဖာလုံ veng, mei-phal zung hmaiih lakphak dawrneitu nupa cu December 30, zan ah an kap that.

Nupa an kahnak ah ni siar fang, nausente in hriamhma a ngah ve ih a nunnak a derthawng zet, tiah tualsungmi pawl in an sim.

Lakphak dawrneitu hi U Chit San Maung le a nupi an si ih zan nazi 6 hrawngah zo ti theih lo, hriamhrei kai bur khat cun an inn sungah an kap ih ni 10 lawngih upa an naute khal an kap ngah.

“Hi ni hi Tamu ah Pyusawhtee le ralhrang rual khawsung ah hmuh ding an tam. Bike ah phurhawk lo ding, kor dum hruh lo ding, tiah an sim.

Zan ah U Chit San Maung tei’ innsang an kap. Annih innsang hi ziang mawhnak khal an nei lo. Ziangtik lai khalah an duh tiktikah tualsungmi an thah theizia an langternak a si ko,” tiah Tamu khawmi pakhat in a rel.

Lakphak dawrneitu tei’ innsang kaptu hi bike 4 in an ra, tiah a hmutu pawl in an rel. Atu ahcun an fate cu Grace sizung ah tuamhlawm rero lai a si. A kaptu hi zo teu an si, tiah theih a si hrih lo nan, tualsungmi thenkhat cun Pyusawhtee sulhnu a si, tiah an sim cio.

Tamu khawpi ahhin suamhmang, rukru, laithahnak a thleng phahphah ih ralhrang le Pyusawhtee an tawrhmawh zet, tiah theih a si.

May be an image of 1 person

U Chit San Maung tei’ sungkua kaptu hi Tamu kiangkap ih tawrhmawh zet Pyusawhtee hotu ပန်းချီချမ်းမြေ့ le a ho pawl an si, tiah Mizzima cun a tarlang.

Be the first to comment

Leave a Reply

Your email address will not be published.


*