Pyu Saw Htee pawl ih kaihmi mipi 50, PDF in runsuak

Sagaing ramthen, Kalay peng, Kyaukka khua ah SAC ralhrang le Pyu Saw Htee pawl in khuami an kai ih an hrem.

Ralhrang le Pyu Saw Htee pawl ih kaih le hremmi khuami 50 hrawng cu PDF in an runsuak thei, tiah NUG Defense Ministry zung cun thu an suah.

July 14 ahkhan PDF tangrual pawl cun mipi kaitu ralhrang le Pyu Saw Htee pawl an va nuai ih Pyu Saw Htee 6 an thih hleiah 19 an tlansuak, tiah an tarlang.

CRPH le NUG hin SAC cu ralhrang tiih an phuan zo vekin SAC kuttang ih ralhrang cangvaihnak pawl ah tel lo dingin forhfialnak an nei gawn.

SAC thawn hnatuantlang in mipi humhimtu vekih pawlkom dinmi pawl a tul dan vekin bat ih do vivo dingah theihternak an nei.

May be an image of 4 people and outdoors

Curuangah SAC kuttang ih Pyu Saw Htee pawlkom siseh, People’s Security pawlkom siseh an pawlkom thiatval ih suahsan hai dingah le PDF lole mipi ralkap hnenah ralthuam ap hai dingah NUG ih Defense Ministry cun forhfialnak a nei bet.

Be the first to comment

Leave a Reply

Your email address will not be published.


*