Pyidawtha Baptist kawhhran in an Christmas hrang sumpai an thawhmi zaten Nanchaung bawm thluh.
Kalay peng, Nanchuang khua cu SAC ralhrang in an nawkkang ih inn 28 vutcam ah a cang.
An khawhnen Pyidawtha Baptist kawhhran cun Nanchaung siat tong pawl hnenah Christmas hrang sumpai an khawlmi ting 20 an hlu, tiah theih a si.
Curuangah Pyidawtha Baptist cu kum dang bangin Christmas ruai ropi khal tuah thei loin tui’ kum cu biakkhawmnak menin an hmang ding.
Pyidawtha khua hi Kalay-Yazacho lamzin ah a um ih Nanchaung khua kahawknak ruangah Letpanchaung ah an tlan ve.
December 12 ah SAC ralhrang le Pyusawhtee pawl cun Nanchaung khua cu pukpi in an kap ih PDF thawn reilote an kahawk hnuah khua an nawkkang. Nanchaung khawmi mibanglo pakhat khal an that ih an urkang cih.
Atufang ah inn urkang tuar Nanchaung khawmi pawl cun hnipuan, khengkho, tih-thing, khawsaknak le in-ei an tlasam ih tlawmngai ih a bawm theitu an thlir cuahco.
Nanchaung khua ah innthawng 250, mipum 889 an um.
Leave a Reply