Pu No Than Kap in M A H telnak Christmas Eve ih a feh venak san simfiang

Anglican Churh le Myanmar Evangelical Christian Fellowship (MECF) in “Holy Trinity Cathedral (Yangon)” Biakinn ah Christmas sunlawih le Zanriah ei tlangnak ah telve dingin in sawm ih ka feh ve.

No description available.

Laimi Pastors ra khawm ve an um ih kan tongaw culci. An biakinn cu Mirang sanlai ih sak mi a siih a ropi danglam zet.

Sawmnak ca le Khawm program sungah (zuk zoh) sawm mi ngan a si lo ruangah zo an khawm ve ding ti theih cia a si lo. Caan hmandan ding cu Nazi 4 – 5:30 pm ti a si.

Rinlopin SAC Chairman MAH khal 4:30 lamah a ra khawm ve. Thusim caan tla an pe. Pathian thusimtu Bishop le Reverend khal remdaihnak thu hlir an sim ih a tha zet.

Nipidaw ihsin ra Dr Ngun Cung Lian thawn tonak zemtu in in toter. Anih hi ramhnuai lai ihsin ram rian ka tuanpi ka naule lakih pakhat a sive.

No description available.

Khawm cem hlanin thu poi dangah ka tlungih titi nuam khal kan rel man lo. Zanriah khal ka kilpi man hai lo.

Asinan, A zan ah, kan runinn te ah innsangtu sungkua pawl thawn “Eden par mawi chul hnu ti vul leh turin.. Remna Lal a lo piang ta..” tin khuangpi le khuangte thawn Christmas kan lawm thei ih di a riam!

A pehparmi siar bet>>>

Luka 2:14 sirhsan in SAC ralhrang mangpa Min Aung Hlaing thu a sim December 23 ah Yangon ramthen, ပန်းဘဲတန်း peng, ဗိုလ်ချုပ် အောင်ဆန်း lamzin le ရွှေတိဂုံဘုရား lamzinsawm ih Holy Cathedral Church ah Christmas hmuahnak an tuah.

No description available.

Cutawkah Min Aung Hlaing sawm a si ih thu a sim. Min Aung Hlaing cun, “Leitlun ah sakhaw picang 4- Buddhist, Christian, Islam le Hindu an um ih ziangvek sakhua khal milai hrangah an tha thluh.

Remnak, duhdawtnak le zawnruahnak lamzin an khihhmuh theh. Sakhua ih zirhmi vekin thlun cio nungla a nuam zetmi zatlang nun, remdaihnak thawn khatmi rampi kan din thei ding.

A liam zomi kum 2000 laiah Jesuh Khirh a suah ding zan ah vancungmi pawl cu tuukhal pawl hnenah an lang ih, Luka 2:14 ih tarlang vekin ‘Peace on Earth and Good will towards men” tiin “A duhdawtmi minung pawl umnak leilung ahhin remnak leng ko seh,” tiah an ti.

No description available.

Cuvekin tuni biakkhawmnak ih ra suaktu Myanmar Christian Council telin kawhhran tinkim ih pastor pawl, Union Department tinkim ih hotu pawl, Tatmadaw hotu pawl, sakhaw dangdang pawlkom ih hohatu pawl, mikhual hleice le Myanmar misenpi nan zaten thinlung, taksa harhdam le duhdawtnak karhzaiter hram uhla…lungawinak, thlangamnak le daihnak thawn Christmas thlawsuah nan parah tlung hram seh, tiin thlaza ka cam, tiah,” Min Aung Hlaing cun a sim.

SAC ralhrang mangpa Min Aung Hlaing ih thupek vekin Myanmar ramsung, Christian umnak Chin ramkulh, Karen ramkulh le Sagaing ramthen sungih biakinn pawl cu ralhrang rual in hmaizahnak khal nei loin an siatsuah rero.

No description available.

Kawl biaknak phungki tlawng khal an zuah cuang lo. Cuticingin Min Aung Hlaing cun Christmas le remdaihnak thu a rel ngam lai.

Be the first to comment

Leave a Reply

Your email address will not be published.


*