Psychologist Robert Sternberg ih simmi duhdawtnak phun (7)

1988 laiah Robert Sternberg timi Psychologist pakhat cun duhdawtnak thawn pehparaw in Theory a suah. Cumi a theory ahcun duhdawtnak phun (3) a um a ti. Pakhatnak ahcun mi pakhat le pakhat hi hmuihmel ruangih uarawk, pahnihnak ahcun pakhat le pakhat sungmuril tiang nelawk, pathumnak ahcun neiaw dingih lungkimtlang, tiin.

Tu-ahcun hi pawl lawng si loin duhdawtnak phun (7) a phosuaksal.

1. Aatcilh duhdawtnak:

Thinlung lam duhdawtnak langsuah dan hmaisabik cu mi pakhat hin khualkhua minung pawl reilote a tonmi aatcilh ih uar hi a si. A suangtuahnak khawvel khalah a uarmi cun a luahkhat ih a hmuihmel le a thuhla cun a mitthlam ah kian zai an rel thei lo. Hivekih aatcilh duhdawtnak hi a thla tel le a kum tel khalin a rei thei ih fiangfai in sim theih a si lo.

2. Lungkim duhdawtnak:

Pakhat le pakhat nelawk zet hnuah pehtlaihawknak tha a suak ko nan, duhdawtawknak tiang an thleng hrih lo, rualpi vekin an komaw ngaih hrih men. Hivek duhdawtnak cu pakhat le pakhat theihthiamawknak le thinlung ih ngainatawknak parah hrambun in duhdawtnak tiang thleng dingah tikcu lak a tul lai.

3. Ngaihsak lo duhdawtnak:

Pakhat le pakhat hmun khatah khawsatlang tho si in, zianghman lunglut khopih ngainatawknak a um lo. Annih cu sumpai ah siseh, fanau thu ah siseh boruak tlak dan ruangih umtlang men an si. Hivek duhdawtawknak ah pakhat le pakhat pehtlaihawknak tha a suak dah lo.

4. Oltlong duhdawtnak:

Ziangkhal ruat cuca loin, hmailam thil ra thleng theimi khal thlir hrothrai loin duhdawtaw mai, neiaw mai, fate khal nei vivo mai a si. Hivek duhdawtnak hi a oltlong zet nan, rei a daih duh riangri.

5. Lungsak duhdawtnak:

Pakhat le pakhat ngainaaw in lungsakten an um ih ziangtik lai khalah Romantic zetin tikcu an hmang. Annih hi ziangtlukin an duhdawtawk hmanah neiaw dingin lungkimtlangnak an tuah dah lo. Hivek hrimhrim a ruah khal an ruat dah lo. Fala tlangval nun ah an ceng luarkai tuk ih ziang thuhla hman an karlakah a tlem lo.

6. Theihthiamawk duhdawtnak:

Pakhat le pakhat nelawk hnuah umtlang dingin lungkimnak an nei nan, khat le khat hipawktonnak an nei hrih lo. Annih cu theihthiamawk duhdawtnak lawng an kol lai. Asinan cui’ theihthiamawknak in khat le khat hipawktonnak a hringsuak vivo thei ko.

7. Famkim duhdawtnak:

1988 laih duhdawtnak theory 3 ah famkim duhdawtnak hmuh ding a mal zet. Mi tampi hin himi theory ih pahnih tiang lawng an thleng thei ih thenkhat cun pakhat lawng an nei lai. Himi theory pathum neitu cu leitlun ah mi vannei bik an si. A famkimmi duhdawtnak neitu cun an hringnun ah ziang khal an ngai nawn lo.

Be the first to comment

Leave a Reply

Your email address will not be published.


*