Politics ruangah Thailand ih tlan nunau pawl in hmuhsuam an tong, tiah thu lengvak a um

SAC ralhrang uknak dokalh in Thailand, Mae Sot khawpi ih raltlan nunau pawl hmuhsuam an tong.

No description available.

2021 February ah SAC ralhrang in Myanmar rampi thuneihnak a lak ruangah Myanmar mi tam zet cu Thailand ram, Mae Sot khawpi ah raltlan in an feh.

Lamzawh duhphorhnak ruangah mai’ sahimnak hawl ih Mae Sot ih va tlan, nunau thenkhat pawl cu nupa sinak hmanpi dingah hmuhsuam an tong, tiah theih a si.

“Kaihhrem tuar ruangah mah le mah thahawk tum nunau pawl, thinlung lam nat nei phah ih tuamhlawm tul khop tiangih beidong nunau, Mae Sot ah tam zet an um, tiah Mae Sot ih nunau pakhat cun a Facebook ah December 12 ah a tarlang.

Thilthlen dan cu hitin a ngan. “Myanmar ram buainak ruangah raltlan ciocio lakah sinak sang pawl cu an puarthau zet.

Mae Sot ah a thleng hmaisa an si vekin a thleng neta pawl parah thu an nei tuk. Curuangah a thleng neta nunau pawl cu anmai buaipi hlir a si ih nupa sinak hmanpi an tum.

Nunau thenkhat cun mah rak tuamhlawmtu tiah an hmaisong. Khatlam ah an thinlung a vaivuan si ko. Mae Sot ahhin Silent Case tampi a um,” tiah a ngan.

Hmuhsuam a tongtu nunau pakhat cun, a tonmi harsatnak bawmtu pawlkom an um lo ruangah a aihram ih, “Zo si ka harsatnak in bawm theitu ding,” tiah thusuhnak a tuah.

No description available.

Thailand ram, Mae Sot ahhin lamzawh duhphorhnak ih teltu, CDMers le ramthukhel ih cangvaitu pawl a thuah ih thuah in an thleng ih a tam sawn cu mino le nunau an si, tiah theih a si.

Be the first to comment

Leave a Reply

Your email address will not be published.


*