A TRAINEE timi bulpak Airline vanzam mawngtu kum 21 mi hmeltha zet Oriana Pepper timi nu cu a cal ah mikeu in a keu ih cumi ihsin nat dang nei vivo in a thi, tiah theih a si.
Anih hi vanduaithlak zetin a cal mikeu keinak ihsin hrik (bacteria) a lut ih a thluak sung tiang a siatsuah vivo.
Suffolk Bury St Edmunds ih kum 21 mi Oriana Pepper hi Oxford ih Easy Jet mawng in Belgium ram ah programme pakhat ruangah a feh.
Belgium ram a fehnak ah mikeu in a calpadar ah a rak keu ih cutin a vorhlam mit a zawng. Mikeu ih keunak ihsin hrik a lut ti an theih veten sizung ah an tuamhlawm cih.
Hi thilthlen caan hi 2021, July 7 ah a si ih Oriana Pepper cu sizung ahcun sivai in an tuamhlawm rero nan, that lam pan thei loin ni thumnak ah a thi, tiah a hnatuanpi pawl in an sim.
Suffolk’s senior coroner Nigel Parsley cun, “Miss Pepper ih cal cu mikeu in a keu ih cutin bacteria lut in natnak khirhkhan zet a tuar ih a thih phah. A thihnak san bik hi a thluak thahri pit le a cal ih mikeu keunak ruangah a si,” tiah a sim.
Leave a Reply