SAC ralhrang in Myanmar rampi thuneihnak a lak hnu phunsang tlawngta pawl cu anmahte hminpe ngam loin puaisa an fial theu, tiah puaisa hnen ihsin theih a si.
A hlanah cun phunsang tlawng (distance) ih kaitu pawl hi anmahte tlawng hmin an ap theu ih atu-ahcun SAC ralhrang in thuneihnak a lak ruangah a thupten puaisa an fial sawng, tiah theih a si.
A hlanah tangka 20000 hrawngin tlawng hminpek a si theu ih rambuai hnuah 50000 hrawng an cem theu. Cule puaisa an fial sawngnak ah 50000 pek bet a tul ih a zaten tingkhat an cem theu, tiah theih a si.
Cu lawng si loin camibuai tuah caan ah mah rori tuah duh loin midang an fial lala ih 40000 hrawng an pe, tiah an sim vivo.
2023 cazir kum ah phunsang tlawng (distance) phitu ding pawl hmin pek theih a si ih Arts Subject hrangah 46500 a si ih Science Subject hrangah 47000 pek ding a si.
Leave a Reply