Sagaing ramthen, Minmu peng ah SAC ralhrang le tualsung hriamhrei kai pawl hmaiton in kahawknak a suak ih phun hra kungthu subject 2 ih ongtu PDF ralkap 1 in a nun a liam, tiah Moe Nyo Revolution Force MNRF in thu an suah.
October 24, sun hnuah Minmu khawpi lam pan ih ra poksuak SAC ralhrang 150 rual cu mine rak puah dingin mipi ralkap in an rak hngak.
Asinan ralhrang pawl cu mine kammi lamzin zawh loin mipi ralkap pawl ih dunglam ihsin an ra ih khatlam khatlam kahawknak a suak, tiah MNRF cun an sim.
Vanduai an ton dan cu Battalion hngettek 2 ih ralkap bur khat hotu အီးဇီး cu a rualpi pahnih thawn ralhrang in an kulh ih a rualpi pahnih tlansuak hai dingin a auh hai. Cule veten ralhrang in a ban ah an kap cih.
A kut khatlam in kut ser meithal a hawi ih ralhrang pawl a rak kap hrih. Cumi hnuah a rualpi pahnih dungthlun in tlansuah a tum ih, cu zawng le ralhrang in a khuk ah an kap lala.
Cutin bok vak in a vak nan, ralhrang in an pan ih a hmunah an kap that, tiah MNRF cun an thusuah ah an tarlang.
အီးဇီး hi Moe Myo Revolution Force MNRF ih commando pakhat a si ih mine kam thiam zet a si. Kum 19 mite lawng a si ih cathiam thei zet, phun hra kungthu subject 2 ih ongtu khal a si.
SAC ralhrang in rampi thuneihnak an lak ruangah ralhrang do dingin MNRF ah a lut.
အီးဇီး cu Thalno dothlengnak ih paraltha tiin ngankhum a si vekin Federal Democracy ngah hlanlo, SAC ralhrang do dingah nunliamtu အီးဇီး ih hmin saal in thukamnak an lak thu MNRF cun thu an suah.
Leave a Reply