Phone ruk puhawk menah an thataw

Phone ruktu ih puhmi mi pakhat cu minung um lonak hmun fianrial ah an hruai ih an that. Hi thilthlennak hmun hi Monywa khawpi ah a si.

“Khawpi velnak lamzin ah mithi ruak an hmuh thu in sim ih kan va feh. Kan theih dan vek asile anih hi phone ruk an puh ih minung 10 hrawngin hmun fianrial ah ko in an that.

Mani June 23, zan nazi 8 le 9 karlak hrawngih thilthleng a si. A thitu innsang thawn kan pehtlaihawk hnuah a ruak kan va hlawm,” tiah Monywa hrambun tlawmngai pawlkom ih hotu pakhat cun a sim.

A thitu hi kum 23 hrawng a si, tiah theih a si. A taksa ah nam ih riatnak, kuak meiling ih nawhnak hleiah funghreu ih thawinak hriamhma pawl an um, tiah tlawmngai pawlkom hotu cun a sim.

May be an image of 4 people and outdoors

Phone ruk puhawk men ih mi thattu pawl cu Monywa palik pawl in an hawl rero ih tu tiangah zohman kaih ngahmi an nei hrih lo, tiah theih a si.

Be the first to comment

Leave a Reply

Your email address will not be published.


*