Karenni ramkulh, Shan ramri, Phekone ah July 4 ahkhan SAC ralhrang le KNDF doawknak a suak ih ralhrang 40 an thi. KNDF le tangrual lamin mi 11 in ram hrangah an nun an liam, tiah KNDF cun thu an suah.
July 4, zinglam nazi 5 ah Phekone peng, Kone Son le Loi Pata khua kiang SAC ralhrang sakhan Loi Pata Kone sakhan le Swe Pyae Aye kiangih Kone sakhan cu Karenni Army (KA), KNDF, PDF (Phekon), SSRY pawl in an kap hruan.
Khatlam khatlam doawknak a sosang zet ih SAC ralhrang sakhan a simi Loi Pata sakhan an lak zikte thu, SAC ralhrang in ralthuam tum an hman thu, ralthuam lamah thlauawknak a um ruangah tangrual pawlkom pawl cu sunhnu ah dung an sipsal thu theih a si.
Hi doawknak ah SAC ralhrang lam mi 40 an thi ih hriamtuar khal an tam zet.
Tangrual lam cun ralkap 11 in ram hrangah nun an liam thu KNDF in official in thu an suah a si.
Leave a Reply