Bago ramthen, Paukkhaung Township, Nyaung Kone khua ah June 4 ah phe (card) an kah ih buainak a suak. Buainak hi a roh zet ih mi 4 rori an thi, tiah Paukkhaung tualsungmi pawl in an sim.
Sungkhataw mi 3 an tangrual ih khatlamah rualpiaw zet mi 2 tangrual in bur hnih 3 Vs 2 tiin mi 5 pawl cu nam in an sataw ciamco. Mi 4 an thi ih pakhat lawngte a luat, tiah theih a si.
Paukkhaung siatni thatni ih tuamhlawmtu hotu pakhat cun, “Phe kahnak ah an buai. Zan nazi 10 hrawngah an buai thok ih an buainak san bik ih phe kah sungtu in lungkim loin salhsuahawknak ruangah a si. Paukkhaung palik sakhan ah thuhla theihter a si hnu in simthei ih a thaizing ah miruak 4 kan tuamhlawmsak.
A buaitu hi Htowadi pafaza 3 le khatlam mi 2 an si. Mi 4 an thi ih an pum le ril pawl a pawt, an kut le awm khal namhar a um,” tiah a sim.
Thi loih luattu hi palik pawl in an hawl rero laiih a innsang lam thuhla an zoihnit rero, tiah theih a si.
Mithi ruak 4 cu Paukkhaung sizung ah zohfel a si hnu thlanmual ah an pum zo.
Pafaza 3 an thi ih annih ih Paukkhaung thlanmual ah an phum, khatlam thitu mi 1 lawngte Nyaung Kone thlanmual ah an phum.
Leave a Reply