PDF pawl palik lem ah cang in Pyusawhtee meithal an laksak

Mandalay ramthen,  မြင်းခြံ peng,  ဗလုံ khua ah SAC ralhrang tirhkah Pyusawhtee pawl hrangih an pekmi meithal cu Natogyi Regional Defence Force-NRDF in palik uniform hruh in an va dil ih meithal 4 an rak pe, tiah NRDF in thu an than.

“NRDF ih lemcan thiamzia si ko. November 30 sun nazi 12 hrawngah palik uniform hruk in  ဗလုံ khawlal le Pyusawhtee hotu tuankop Kyaw Swe hnenah an feh ih anih khal cun meithal 4 lungthiangten a rak pe.

Curuangah SAC ralhrang an thinheng tuk ih Pyusawhtee hotu cu an kai. Atu ahhin ralhrang hremhmun ah an soisa rero.

A malbik kum 40 ihsin kum 50 tiang thawng an thlak kan zum,” tiah NRDF in an tarlang.

Khawlal Kyaw Swe le a dungthlun Win Myint cun meithal an rak ap hleiah Kyaw Swe h phone le bike tiangin an rak pe hrih, tiah theih a si.

မြင်းခြံ hrawngah hin SAC ralhrang in mipi thenkhat Pyusawhtee tuan an fial ih ralthuam khal an pe.

Thisen dawk pawlkom an dinter ih an huatmi an that, inn an cokletsak ih mipi thilri an siatsuahsak theu, tiah theih a si.

Be the first to comment

Leave a Reply

Your email address will not be published.


*