Nisuah-saklam ral siim hna hlawhtlin lo ruangah Deputy Minister of Home Affairs le Myanmar palik bawizik tuantu SAC ralhrang ih Northwest Commander Than Hlaing cu a hna ihsin banter fel a si, tiah theih a si.
Anih hin Northwest ral siim hna tuanvo la in Magway, Sagaing ih PDF pawl nuam cimit dingah a poksuak.
“PDF pawl ka cimitter lai hlanlo ka tlung nawn lo ding,” tiah a tong ta. Asinan Sagaing PDF pawl in lamzin ah an rak bawh ih lusam mang loin a tlansuak dah. A ralbawi lukhuh tiangin motor ah a tan ih PDF pawl in lukhuh hlam dingin an capoh dahmi a si.
Than Hlaing cu Nisuah-saklam ral siim hna ah hlawhtlinnak a hmuh lo ruangah company sumpai a lasuak tiin mawh an puh ih June thla 3 ah a hna ihsin cawlhter a si.
Hihi hi ralkap daan ahcun pinsin pekawk dan a si ih raldonak ah hminsiatnak an neih cun pinsin cu lo khal an cawlteraw hluahhlo men.
Deputy Minister of Home Affairs Than Hlaing cu pinsin an pek hlanah Nay Pyi Taw Bayitnaung cawlhbuk ah thla khat lenglo kaihhren a si ih thuhla zoihnitnak an nei ta.
May 2 laiah khan Myanmar palik bawizik a sinak banter a si ih ralkap menmen a tuan lawk. Tu-ahcun pinsin in cawlhter a si zo.
Anih hi amai’ suahpi unau rori Soe Moe Hlaing thattu khal a si.
Leave a Reply