PDF pawl in palik bawi ih motor an lonsak

Yezakyo peng uktu palik bawi ih motor cu PDF pawl in an laksak ih ralhrang uknak dothleng caan sung hmuah ah hman a si ding, tiah thu an suah.

Magway ramthen, Yezakyo pengpi uktu palik bawi ih motor cu PDF in an lon thu Earthquak’s Defense Force cun thu an suah.

June 17, zinglamah Earthquake Poeple’s Defense Force cun Yezakyo pengpi uktu ih motor an lonsak ngah  thu, hi motor hi Yezakyo ihsin Pakokku lamih a feh lai pawl ni 20 rei tiang an zingzoi thu, pengpi uktu palik bawi kuttang ih palik le Pyu Saw Htee in motor cu workshop ah an ra tuah laiah an rak lonsak thu, palik bawi ih motor cu dothlengnak caan sung hmuah ah an hmansak ding thu, an thusuah ah an tarlang.

Magway ramthen, Pakokku peng, ‘Khaing Ma’ timi motor workshop ah June 17 ahkhan motor tuahter dingin palik le Pyu Saw Htee pawl in an ra ret. Cumi cu PDF pawl in an rak laksak ih workshop neitu le a hnatuantu pawl an kaih phah, tiah tualsungmi pawl in an rel.

June 17 sunhnu her ah Pakokku peng, No. 6 veng ih ‘Khaing Ma’ workshop ah Yezakyo pengpi uktu palik bawi ih motor an tuahter le hi motor cu PDF pawl in palik bawi ih motor a si le si lo an hliakhlai hnuah an laksakmi a si.

Hi motor hi MAZDA BT 50 Extra CUB motor rang a si.