PDF nunau 2 in an kenmi bomb hmetpuak in ralhrang an thihcilh

Dothlengtu nunau pahnih mine an thiar laiah ralhrang thawn an tongaw ngelcel ih an mine puah in an thihcilh.

Sagaing ramthen, Kawlin (ကောလင်း) peng ah kut ser mine thiartu mipi ralkap nunau 2 cun ralhrang thawn tongaw ngelcel in an check laiah an mine phurhmi puah in an thih cilh, tiah January 8 ah Kawlin KR Team in an nemhnget.

January 7 zing ah dothlengtu nunau 2 cu kut ser mine phur in bike 1 ah phuraw ih an feh laiah Kawlin khawpi ralveng ih heltu ralhrang rual thawn an tongaw ngelcel.

Ralhrang rual cun bike dingter ih an check rero laiah nunau pahnih cun an phurhmi mine zangte (remote) an hmet ih a puak. Hi mine an hmehpuahnak ah nunau pahnih khal an thi ih ralhrang tam zet khal an thi, tiah theih a si.

Ralhrang thihcilhtu nunau pahnih cu ဒေါ်စုစုရည် kum 45 le မနှင်းဆီလှိုင် kum 20 mi an si, tiah KR Team in an sim.

Be the first to comment

Leave a Reply

Your email address will not be published.


*