Mu Chaung lilawn kiangah SAC ralhrang palik le Pyu Saw Htee pawl ih tomi motor cu PDF in an rak kap ih ralhrang palik hotu pakhat le Pyu Saw Htee 14 an thi, tiah theih a si.
Sagaing ramthen, Khin Oo peng, Kan Thit khua nitlaknak lam Mu Chaung lilawn kiangah Khin Oo ihsin ratu SAC ralhrang palik motor cu tuni June 22, zing nazi 9:30 hrawngah PDF in an rak kap.
Motor parih to palik bawi (Lieutenant Commander) Soe Htut Khaing le Pyu Saw Htee 14 an thi ih ralthuam 11 an laksak thu theih a si.
Hi motor hi Khin Oo-Ye Oo lamzin Min Daung khua ah lamzin ah siahkhawng ih an feh hnuah leilung phur motor Skat to in, palik bawi (Lieutenant Commander) Soe Htut Khiang le Pyu Saw Htee tam zet an tomi a si.
Khin Oo Pah Kah Pha le tualsung PDF pawl tangrual in an rak kap ih palik bawi le Pyu Saw Htee 14 an thi.
Hi kahnak ah N.L.G.R.F, ရောင်နီပျောက်ကြားအဖွဲ့၊မြို့နယ် ပ.က.ဖ အဖွဲ့ le midang local PDF pawl an tel, tiah theih a si.
Leave a Reply