Social media ah hminthang zet dothlengnak ralkap Ko Nay Khant Naing timi pa cu Yangon thupthiar cangvaihnak neitu Dark Shadaw pawlkom kai dingah SAC ralhrang ih tirhfung a si, tiah Ko Nyein Chan Thu timi cun social media ah a thlah.
Ko Nay Khant Naing timi hi dothlengnak hmin ah ‘Hmakphek’ (ငရုတ်သီး) tiin Dark Shadow dothlengnak pawlkom ah 2022, April ah a lut.
Cuti Dark Shadow ih a um laiah an lakih mi (3) cu kaih an si, tiah a ngan.
“PDF Thawngtla pawl hin Nay Khant Naing hi ‘dalan’ a si tiah an rel ringring. Amah ruangah kannih khal siim kan tong. Kan ralkap pawl hramlak ah kan tlan phah thluh,” tiah Ko Nyein Chan Thu cun a sim.
Ralhrang tirhfung ih an puhmi Ko Nay Khant Naing hi atu ahcun Yangon ah a um zo. Yangon a um hlanah NUG acozah ih Southern Division Military Headquarters Taung Nyo Battalion ah dothlengnak ralkap a tuan, tiah theih a si.
Himi an puhnak hi amah khalin a thei ko. “Keimahten ka relfel lai ding. Asinan ka simmi zohman in an zum lo ding ti cu ka theicia,” tiah Ko Nay Khant Naing cun Lu Nge Khit hnenah a sim.
Hmuihmel le ruangrai khantling zet Ko Nay Khant Naing timi cun sawhthak a phom lai zuk 2022, January thla ah a post ih dothlengnak thapetu nunau tampi ih thinlung a neh zet. Sumpai bomnak an kuat celcel, tiah theih a si.
Dark Shadow thupthiar cangvaihnak dintu Ko Nyein Chan Thu hin SAC ralhrang ih tirhfung ih a puhmi Ko Nay Khant Naing cun a puhnak pawl a dik lo asile hotu pawl hnenah simfiang dingin a theihter fawn.
Leave a Reply