Thusim sang lo pawl PDF in an thawi

SAC ralhrang le Pyusawhtee helhlong pawl samcainak khua ih thil va zuartu fungfek in an thawi.

Sagaing ramthen, Shwebo peng sungah SAC ralhrang le Pyusawhtee pawl ih bukhuarnak ဟံလင်း khua le ကော့ရွာ khua ah thil va zuartu pawl cu tualsung hriamhrei kai pawl in an kai ih nunsimnak ah fungfek in an thawi thu Burma Ranger (Shwebo) in December 14 ah thu an than.

Shwebo peng sung, ဟံလင်း khua le ကော့ရွာ khua ahhin zohman a lenglam ihsin thil va zuar lo dingah a vei khatnak ah phone in ralrinnak an pe.

Asinan a lenglam khaw dangmi pawl in thu an thlun duh lo ih an va zuar thotho. Curuangah atuvekin fungfek in an thawinak a si.

A lenglam thil zuartu pawl in SAC ralhrang le Pyusawhtee bukhuanak khaw sungah thil zuar nawn lo dingin ralrinnak an pe nonsal.

Cu hleiah Shwebo- ကျောက်မြောင်း lamzinpi parah motor le bike mawngtu pawl cu an thil phurhmi muka (ti-puan) ih khuh lo dingah le zinglam nazi 5 le simlam nazi 7 karlak lawngah motor thlalang thla ih mawng cio dingah Burma Ranger (Shwe Bo) cun theihternak an nei fawn.

Be the first to comment

Leave a Reply

Your email address will not be published.


*