PDF in rittheih sivai zuartu an kai

Tanintharyi ramthen, ပုလော peng, လက္ကူး khua ah December 17 zan ahkhan rittheih sivai zuartu pawl PRDF in an kai, tiah theih a si.

PRDF cun rittheih sivai zuartu kum 45 mi ဦးဖိုးထောင် le kum 35 mi ဦးကုလား an kai.

“Annih pahnih hi rittheih sivai zuar lo dingin kan dung thla lai ihsin PRDF in ralrinnak an pe zo nan, mak ah thun duh loin an zuar thotho.

Lehhnu khalah tualsungmi rittheih sivai zuartu pawl ralrinnak pek cih an si,” tiah PRDF ih tuanvoneitu cun a sim.

PRDF ih rittheih sivai an kaihmi pawl cu WY hlum 601, bing phut fun 46, sum fai tinghnih, bike 1 le phone 3 an si.

Rittheih sivai an kaihmi pawl cu urkangsak an si ih thilri dang lawngte dothlengtu pawl in a tuldan vekih hman dingah an la.

PRDF cun dothlengnak caan sungah rittheih sivai nasaten an do reem ding thu, thu an suah cih.

Be the first to comment

Leave a Reply

Your email address will not be published.


*