PDF in ralhrang Lieutenant Sergeant pakhat a nunglai in ralthuam thawn kai

ပေါင်းတည်PDF in SAC ralhrang Lieutenant Sergeant pakhat a nunglai in ralthuam thawn kai

Bago ramthen, Pyay pengpi, ပေါင်းတည်PDF cun December 9 ah SAC ralhrang Lieutenant Sergeant pakhat ralthuam thawn a nunglai in an kaih thu PPDF-Battalion 3601 in thu an than.

ပေါင်းတည် peng, ကြာနီကန် khua ih palik sakhan le ramri kiltu ralhrang pawl cu PPDF Battalion 3601 ih Tiger Column in ni hnih khengte an bawh hnuah atuvekin hnipuan menmen hruh ralhrang Lieutenant Sergeant pakhat an kaih theinak a si.

“NUG ih ralkaih daan a tuahmi vekin thaten kan zohkhen ding. Anih hi ralhrang Lieutenant Sergeant a si. Ralkaihmi siseh, CDM ra luttu ralkap siseh kan zohkhen dan a bangaw ko.

CDM tuahtu lawngte ting 80 pe in hmun himnak ah kan kuat theu,” tiah PPDF ih thuphuangtu cun a sim.

Ralhrang an kaihmi hnen ihsin MA2 meithal 1, ziandawng 4 le 5.56 cerek 200 an laksak, tiah theih a si.

Be the first to comment

Leave a Reply

Your email address will not be published.


*