PDF ih kaihmi sihni nu a thih ruangah PDF hrem dingin NUG an phut

Kum 50 mi, sihni ဒေါ်စန်းစန်းရီ cu December 1 ah Kanbalu District thuthennak ihsin Shwebo ah motor in a feh ih lamzin ah PDF in an kai ih thuhla suh ding kan lo nei, tiin an hruai.

No description available.

A thaisun ah PDF cun sihni ဒေါ်စန်းစန်းရီ le a driver cu suah an si, tiah an sim ko nan, a innsanglam in an suah zalen an si lo, tiah NUG hnenah thu an thlen.

Thuhla dang an theih dan ah ဒေါ်စန်းစန်းရီ cu December 2 ah Kanbalu PDF Battalion 4 in an that, tiah theih a si.

Himi thu thawn pehparaw in Kanbabu PDF Battalion 4 ih commander ဒူဝါဖော်ရန်နော်တောင် an suh tikah anih in khual a tlawn sungah a si ih zianghman a theihpit lo thu a rel.

NUG ih Defense Ministry zung ih sungtuan U Naing Hto Aung cun, “Tuanvola in kan tawlrel ding. Ralkap daan ah a dik ah siseh, a sual ah siseh, a sullam hawl ih cinfel ding hrimhrim a si,” tiah a sim.

NUG ကာကွယ်ရေးအတွင်းဝန် ဦးနိုင်ထူးအောင် နေအိမ် မီးဖျက်ဆီးခံရ — မြန်မာဌာန

ဒေါ်စန်းစန်းရီ ih nu in NUG hnenah bomnak ca a kuat ruangah SAC ralhrang an lungawi lo ih an innsang hmin cazin, hmatpungtin pawl an laksak, tiah theih a si.

ဒေါ်စန်းစန်းရီ hi SAC ralhrang lamttang a si lo ih ramthukhel ruangih buainak tong pawl bawmtu sihni a si thu, a unau ih fate 4 khal section 505 in ralhrang ih kaihmi an si thu, a nu cun a rel.

“505 thubuai an orhtermi pawl bawmtu sihni a si. Ziangruangah PDF hin a nunnak an la. A thuhla thaten an zingzoi lo a si bik ko. Hihi thil diklo zet a si,” tiah a sihni tuanpi in a sim.

“Dothlengnak tuahtu pawl hmuhtonmi an neih mal lai ruangah thil sual an tuahmi a um hnuaihni. Hivek hi thleng nawn lo dingin NUG in hmala seh.

Diklo zetih thil sual tuahtu pawl hrem rori seh. Cun siat tong innsang khal zangnadomnak pe hai seh,” tiah PDF thuhla thei zettu mi pakhat in a rel.

Be the first to comment

Leave a Reply

Your email address will not be published.


*