Magway ramthen, Yezakyo peng ah lamzin ih sumpai mi diltu palik pakhat cu an kai ih ralthuam mi a lon ruangah an thianfai lawlaw, tiah theih a si.
Hi ramri klitu palik ih an va thlingthlai ih an kai. Cumi hnuah an hruai ih lamzin kelzawng ah a kaitu pawl ih meithal lon tum ih a zon. Curuangah kan thianfai lawlaw, tiah Black Wolf PDF-Mdy cun an sim.
June 17, sun nazi 12:40 hrawngah Yezakyo, No. (8) Thu Kha Waddy veng ih ramri kiltu palik Naing Min Htut Kawng timi cu Yazakyo khawpi sung helkualtu motor pawl sumpai a dil ti thu a than ruangah an kaih thu Bagan Nyaung Oo PDF cun thu an suah.
“Lehhnuah hivekih mipi sumpai hleiluat zetih diltu um nawn hlah seh, tiah hremhmun ah kan kuat lawlaw,” tiah Bagan Nyaung Oo PDF cun an sim.
Tangrual pawlkom a simi Nyaung Oo PDF, Black Wolf PDF-MDY, MGN Tiger pawl in kan cangvaihnak a si, tiah an rel.
Leave a Reply