October 26 simlam nazi 4 hrawngah SAC ralhrang in motor pakhat cu rinhmai zetin an dingter ih an check tikah meithal pakhat an hmuh hnuah an kai, tiah tualsungmi pawl in an sim.
“PDF hmangah an ruat ih an check. Anih cun check a duh lo ruangah ralhrang in a motor le amah an vua. Cumi hnuah an check ih meithal pakhat an hmu. Anih ih ramri kil palik rak tuan dahtu a si,” tiah tualsungmi pawl cun an sim.
SAC ralhrang ih an kaihmi Ko Yan Paing Soe hi hlanah Hlaing Tharya peng, veng 16 ih ramri kil palik rak tuan dahtu a si ih a kut ah Turkey sersuah Zoraki M906 pistol, ziandawng le cerek 5 an hmuh ruangah a motor copcilh in an kai, tiah palik thawn naihniamaw zet mi pakhatin a rel.
“Palik ihsin a suahnak a rei zo. Ziangruangah meithal a nei timi lawngte kan thei lo. PDF cu a si lo nasa. Yangon ah suamhmang pawl thawn an kopaw teh si pei maw,” tiah cu pa cun a sim.
Leave a Reply