Mon ramkulh, ပေါင် peng, အုန်းတပင် khawkom, ကော့ကံအလယ် khua ih PDF pawl cawlhsungnak buk pakhat cu SAC ralhrang in an siim ih PDF 1 nunnak a liam hleiah 1 ralhrang in an kai, tiah theih a si.
October 27, zinglam nazi 11 hrawngah Dalan ih zuarthlainak ruangah ralhrang in PDF pawl cawlhsungnak buk (sakhan) an siim, tiah tualsungmi pawl cun an sim.
Ziangtin ralhrang in thuhla an thei cak tuk si pei! PDF pawl cawlhsungnak sakhan fate an siim ih reilote sung kahawknak meithal awn kan thei. PDF 1 in nun a liam, 1 a nunglai in an kai. Midang cu an tlansuak man,” tiah tualsungmi pakhat in a sim. PDF ralkap nunliamtu hi စောချစ်နှင်းဦး a si.
ပေါင် PDF sakhan an siimnak ah ralhrang lam cun PDF pawl ih neihmi AK meithal 1, cerek 600, mine tuahnak thilri pawl an laksak, tiah theih a si.
Hi kahawknak ah SAC ralhrang lam khal thi le hriamhma ngah an um, tiah thuthang a suak nan, nemhngeh a theih hrih lo.
Leave a Reply