Magway ramthen, Yesagyo peng, ဇီးတော khua ih ralhrang check gate ah khualtlawng mi 4 cu PDF bawmtu an si, tiin an kai, tiah theih a si.
January 28 ah Mandalay ihsin Pakkoku pan ih feh motor pakhat ih totlang, mipa 1 le nunau 3 cu SAC ralhrang Check Gate ah PDF bawmtu an si, tiin an kai, tiah Yesagyo senpi uknak pawlkom ih tuanvoneitu in a sim.
“An kaihmi hi kan zingzoi tikah Yesagyo pengmi an si lo. Hi gate hi sumpai an hrong tuk ih duh zatzat sumpai mi an dil men. Phone khal nasaten an zohsak theu,” tiah a sim.
An kaihmi cu kum 50 ih upa nunau 2, kum 30 mi nunau 1 le kum 40 kiangkap mipa 1 an si ih Mandalay lammi an si ding, tiah an zum.
An kaihmi pawl cu SAC ralhrang in Yesagyo peng palik sakhan ah an kuat ih ziangvekin hrem an si ding, ti lawngte theih a si lo.
Leave a Reply